Şriftin ölçüsü :

Saytın rəngi :

Qanunsuz ağackəsmə faktları ilə bağlı cinayət işi başlanıb

18.10.2022

  Baş Prokurorluğun Cinayət təqibindən kənar icraatlar idarəsində səlahiyyətli dövlət qurumlarının məlumatları əsasında Lerik rayonu ərazisində qanunsuz ağackəsmə faktları ilə bağlı araşdırma aparılmışdır.

  Araşdırmalarla Lerik rayonu, Hücü kəndi ərazisində vətəndaşlara ayrılmış kənd təsərrüfatı təyinatlı pay torpaqlarında meşə fonduna daxil olmayan torpaq sahəsində ümumilikdə 94 ədəd ağacın kəsilməsi faktları öz təsdiqini tapmışdır.

  Ölkəmizin ekosisteminə ciddi xələl gətirmiş, müvafiq normativlərə əsasən 29 min manatdan çox ziyan dəyməsi ilə nəticələnmiş  ağac kəsmə cinayətlərinin əlamələri olduğuna görə qeyd edilən faktlar üzrə Cinayət Məcəlləsinin 259.1 və 259.2.4-cü maddələri ilə cinayət işləri başlanaraq istintaqın aparılması üçün aidiyyəti üzrə daxili işlər orqanlarına göndərilmişdir.

Azərbaycan Respublikası Baş Prokurorluğunun rəsmi internet informasiya resursu.
© 2019. Müəllif hüquqları qorunur.