Şriftin ölçüsü :
Saytın rəngi :
| № | Fotoşəkil | Soyadı, adı, atasının adı | Təvəllüdü | Təhsili, prokurorluqda işə başlama tarixi | Hadisə baş verən vaxt tutduğu vəzifə və həmin vəzifəyə təyin olunduğu tarix | Qətlin tarixi, şəraiti və baş vermə səbəbləri |
|---|---|---|---|---|---|---|
| 1 |  |
Qayıbov İsmət İsmayıl oğlu | 1942 | Bakı Dövlət Universiteti - hüquqşünas,1971 | Azərbaycan Respublikasının Baş prokuroru,1990 | Qayıbov İsmət İsmayıl oğlu 1942-ci ildə Gəncə şəhərində anadan olmuş, 1968-ci ildə Azərbaycan Dövlət Universitetinin hüquq fakültəsini bitirmiş, 1971-ci ildən Azərbaycan Respublikasının prokurorluq orqanlarında qulluq keçmiş, “Prokurorluğun fəxri işcisi” döş nişanı ilə təltif edilmişdir. 20.11.1991-ci ildə Azərbaycan Respublikasının Baş prokuroru vəzifəsində işləyərkən Rusiya Federasiyası və Qazaxıstan Respublikasının rəsmi nümayəndələri və Azərbaycan Respublikasının dövlət və ictimai xadimləri ilə birlikdə (cəmi 22 nəfər) respublikanın Dağlıq Qarabağ bölgəsinə ezamiyyətə gedərkən erməni silahlı birləşmələri tərəfindən vurulmuş vertolyotda həlak olmuşdur. III dərəcəli dövlət ədliyyə müşaviri ali xüsusi rütbəsində olmuşdur. |
| 2 |  |
Plavski İqor Aleksandroviç | 1939 | Bakı Dövlət Universiteti - hüquqşünas,1981 | Dağlıq Qarabağ Muxtar Vilayətinin prokuroru,1990 | Plavski İqor Aleksandroviç 1939-cu ildə Bakı şəhərində anadan olmuş, 1964-cü ildə Azərbaycan Dövlət Universitetinin tarix fakültəsini, 1981-ci ildə həmin universitetin hüquq fakültəsini bitirmiş, 1983-cü ildən Azərbaycan Respublikasının prokurorluq orqanlarında qulluq keçmişdir. 20.11.1991-ci ildə Dağlıq Qarabağ Muxtar Vilayətinin prokuroru vəzifəsində işləyərkən Rusiya Federasiyası və Qazaxıstan Respublikasının rəsmi nümayəndələri və Azərbaycan Respublikasının dövlət və ictimai xadimləri ilə birlikdə (cəmi 22 nəfər) respublikanın Dağlıq Qarabağ bölgəsinə ezamiyyətə gedərkən erməni silahlı birləşmələri tərəfindən vurulmuş vertolyotda həlak olmuşdur. Baş ədliyyə müşaviri xüsusi rütbəsində olmuşdur. |
| 3 |  |
Əliyev Şəmşir Şahlar oğlu | 1949 | Bakı Dövlət Universiteti - hüquqşünas,1974 | Samux rayon prokuroru,1992 | Əliyev Şəmşir Şahlar oğlu 1949-cu ildə Ağcabədi rayonu, Qaraxanlı kəndində anadan olmuş, 1974-cü ildə Azərbaycan Dövlət Universitetinin hüquq fakültəsini fərqlənmə diplomu ilə bitirmiş, 1974-cü ildən Azərbaycan Respublikasının prokurorluq orqanlarında qulluq keçmişdir. 14.06.1993-cü ildə Samux rayon prokuroru vəzifəsində işləyərkən xidməti vəzifələrinin icrası ilə əlaqədar cinayətkar dəstə tərəfindən avtomat silahdan açılmış atəş nəticəsində həlak olmuşdur. Kiçik ədliyyə müşaviri xüsusi rütbəsində olmuşdur. |
| 4 |  |
Ağayev Nizami Məsimalı oğlu | 1955 | Bakı Dövlət Universiteti - hüquqşünas,1985 | Qubadlı rayon prokuroru,1992 | Ağayev Nizami Məsimalı oğlu 1955-ci ildə Naxçıvan MR, Ordubad rayonu, Parağaçay qəsəbəsində anadan olmuş, 1985-ci ildə Azərbaycan Dövlət Universitetinin hüquq fakültəsini bitirmiş, 1985-ci ildən Azərbaycan Respublikasının prokurorluq orqanlarında qulluq keçmişdir. 31.08.1993-cü ildə Qubadlı rayon prokuroru vəzifəsində işləyərkən xidməti vəzifələrinin icrası ilə əlaqədar cinayətkar dəstə tərəfindən avtomat silahdan açılmış atəş nəticəsində həlak olmuşdur. I dərəcəli hüquqşünas xüsusi rütbəsində olmuşdur. |
| 5 |  |
Vəliyev Əyyub Əli oğlu | 1953 | Bakı Dövlət Universiteti - hüquqşünas,1992 | Qubadlı rayon prokurorluğunun müstəntiqi,1992 | Vəliyev Əyyub Əli oğlu 1953-cü ildə Ağdam rayonunda anadan olmuş, 1983-cü ildə Azərbaycan Dövlət Universitetinin hüquq fakültəsini bitirmiş, 1992-ci ildən Azərbaycan Respublikasının prokurorluq orqanlarında qulluq keçmişdir. 31.08.1993-cü ildə Qubadlı rayon prokurorluğunun müstəntiqi vəzifəsi üzrə stajor işləyərkən xidməti vəzifələrinin icrası ilə əlaqədar cinayətkar dəstə tərəfindən avtomat silahdan açılmış atəş nəticəsində həlak olmuşdur. |
| 6 |  |
Hüseynov Fəzail Arıx oğlu | 1956 | Bakı Dövlət Universiteti - hüquqşünas,1989 | Samux rayon prokuroru,1993 | Hüseynov Fəzayıl Arıx oğlu 1956-cı ildə Şəmkir şəhərində anadan olmuş, 1984-cü ildə Azərbaycan Dövlət Universitetinin hüquq fakültəsini bitirmiş, 1989-cu ildən Azərbaycan Respublikasının prokurorluq orqanlarında qulluq keçmişdir. 12.11.1995-ci ildə Samux rayon prokuroru vəzifəsində işləyərkən xidməti vəzifələrinin icrası ilə əlaqədar cinayətkar dəstə tərəfindən avtomat silahdan açılmış atəş nəticəsində həlak olmuşdur. Kiçik ədliyyə müşaviri xüsusi rütbəsində olmuşdur. |
| 7 |  |
Xasayev Səbuhi Lütviq oğlu | 1963 | Daşkənd Dövlət Universiteti - hüquqşünas,1990 | Qazax qarnizonu hərbi prokurorluğunun müstəntiqi,1993 | Xasayev Səbuhi Lütviq oğlu 1963-cü ildə Gəncə şəhərində anadan olmuş, 1990-cı ildə Daşkənd Dövlət Universitetinin hüquq fakültəsini bitirmiş, 1993-cü ildən Azərbaycan Respublikasının prokurorluq orqanlarında qulluq keçmişdir. 31.03.1994-cü ildə Qazax qarnizonu hərbi prokurorluğunun müstəntiqi vəzifəsində işləyərkən Azərbaycan Respublikasının Ermənistan Respublikası ilə sərhəddində hadisə yerinin müayinəsi zamanı minaya düşərək həlak olmuşdur. |
| 8 |  |
Əliyev Rövşən Ədalət oğlu | 1955 | Azərbaycan Dövlət Universiteti - hüquqşünas,1977 | Ağır cinayətlərə dair işlər üzrə istintaq idarəsinin rəis müavini - Kriminalistika şöbəsinin rəisi, 2002 | Əliyev Rövşən Ədalət oğlu 1955-ci ildə Ağstafa rayonunda anadan olmuş, 1977-ci ildə Azərbaycan Dövlət Universitetinin hüquq fakültəsini bitirmiş və həmin ildən Azərbaycan Respublikasının prokurorluq orqanlarında qulluq keçmiş, "Prokurorluğun fəxri işçisi" döş nişanı ilə təltif edilmişdir. 13.03.2002-ci ildə Azərbaycan Respublikası Baş Prokurorluğunun Ağır cinayətlərə dair işlər üzrə istintaq idarəsinin rəis müavini - Kriminalistika şöbəsinin rəisi vəzifəsində işləyərkən xidməti vəzifələrinin icrası ilə əlaqədar cinayətkar birlik tərəfindən tapançadan açılmış atəş nəticəsində həlak olmuşdur. Baş ədliyyə müşaviri xüsusi rütbəsində olmuşdur. |
