Sənədlərlə və müraciətlərlə işin təşkili idarəsi Azərbaycan Respublikası Baş Prokurorluğunun müstəqil struktur qurumudur.

İdarənin əsas vəzifə və funksiyalarına  Azərbaycan Respublikası Baş Prokurorluğuna daxil olmuş ərizə, şikayət və təkliflərin, cinayət işlərinin, materialların və digər sənədlərin Elektron Prokurorluq İnformasiya Sistemi vasitəsilə dövriyyəsini, yəni qeydiyyatını, uçotunu, baxılmasını, aidiyyəti üzrə  göndərilməsini və bu sahədə şinin təkmilləşdirilməsini təmin etmək, “Prokurorluq haqqında” Qanunun 20-ci maddəsinə uyğun olaraq vətəndaşların müraciətlərinə baxılmasını həyata keçirmək, Azərbaycan Respublikası Baş Prokurorluğunda qanunvericilikdə nəzərdə tutulmuş qaydada, prokurorluğun fəaliyyət istiqamətlərinə aid olan müraciətlər üzrə vətəndaşların qəbulunu təşkil etmək, xidməti sirrin yayılmamasını, prokurorluq orqanlarında dövlət sirrinin qorunmasını, məxfilik rejiminə əməl edilməsini, məxfi kargüzarlıq və arxiv işinin qanunvericiliyə müvafiq qaydada aparılmasını təmin etmək və s. daxildir.

İdarənin tərkibində Vətəndaşların qəbulu və Sənəd dövriyyəsinin təşkili şöbələri, Sənədlərə ilkin baxılması və Məxfiçilik üzrə xidmətlər fəaliyyət göstərir.