Mətbuat xidməti (şöbə səlahiyyətli) Azərbaycan Respublikası Baş Prokurorluğunun müstəqil struktur qurumudur.

Xidmətin əsas vəzifə və funksiyalarına  aşkarlığın, kütləvi informasiya vasitələri, qeyri-hökumət təşkilatları, ictimaiyyətlə əlaqələrin təmin edilməsi, o cümlədən prokurorluğun fəaliyyəti ilə bağlı ictimaiyyətin məlumatlandırılması funksiyasını həyata keçirmək, məlumat azadlığının maneəsiz həyata keçirilməsi üçün qanunçuluq, hüquq qaydasının qorunması, cinayətkarlığın vəziyyəti və prokurorluğun fəaliyyət istiqamətləri üzrə görülmüş işlər barədə məlumatların əldə edilməsini, hazırlanmasını və yayılmasını təmin etmək, kütləvi informasiya vasitələri ilə qarşılıqlı əlaqə qurmaq, sorğu edildikdə və ya öz təşəbbüsü ilə prokurorluq orqanlarının açıqlanması zərurət doğuran fəaliyyəti barədə onlara müntəzəm məlumat vermək, cinayət işlərinin istintaqı zamanı media resurslarından istifadə edilməsi məsələlərini əlaqələndirmək, kütləvi informasiya vasitələri ilə əlaqələrin inkişaf etdirilməsi, bu istiqamətdə işin səmərəliliyinin artırılması məqsədilə tabe prokurorluqlara əməli köməklik göstərmək, informasiyaların ictimaiyyətə çevik və operativ çatdırılmasını təmin etmək məqsədilə Baş Prokurorluğun yeni sosial media hesablarının açılması, mövcud və yeni səhifələrin vizual, keyfiyyət, eləcə də texniki baxımdan təkmilləşdirilərək, rəsmi veb-sayt ilə sinxronlaşdırılmasını təmin etmək, habelə xarici ölkələrin prokurorluq orqanları və beynəlxalq təşkilatlarla xidmətin fəaliyyətinə aid məsələlər üzrə təcrübə mübadiləsinin və beynəlxalq standartlara uyğun işin təşkili məqsədilə konfrans, forum və digər tədbirlərdə iştirak etmək və s. daxildir.