Sayt üzrə axtarış

















Əsas səhifə / MƏTBUAT XİDMƏTİ

2016-06-01
DAXİLİ İŞLƏR NAZİRLİYİ VƏ BAŞ PROKURORLUĞUN MƏTBUAT XİDMƏTLƏRİNDƏN

Mayın 28-də saat 04 radələrində bir neçə şəxs Lerik rayonunun Küsəkəran kənd sakini Rəfail İsiyevin evinə qanunsuz daxil olaraq ona bıçaqla xəsarət yetirmişlər.

R.İsiyevin ərizəsi əsasında Lerik Rayon Polis Şöbəsində aparılmış araşdırmalarla müəyyən edilmişdir ki, qeyd edilən tarixdə Küsəkəran kənd sakinləri Sulduz və Natiq Əliyevlər, Əlirza, Bəylər və Xanlar İsiyevlər Rəfail İsiyevin yaşadığı evə gələrək münaqişə zəminində ona və atası Hüseyn İsiyevə bıçaqla, həmçinin ağac parçası ilə xəsarətlər yetirmişlər.

Faktla bağlı Cinayət Məcəlləsinin 126.2.1 (bir qrup şəxs tərəfindən iki və ya daha çox şəxsin sağlamlığına qəsdən ağır zərər vurma) və 221.3-cü (silahdan və ya silah qismində istifadə edilən əşyaları tətbiq etməklə xuliqanlıq) maddələri ilə cinayət işi başlanmışdır.

         Həyata keçirilmiş təxirəsalınmaz istintaq və əməliyyat-axtarış tədbirləri nəticəsində cinayəti törətməkdə şübhəli bilinən Natiq Əliyev və Əlirza İsiyev təqsirləndirilən şəxs qismində tutularaq istintaqa cəlb edilmiş və məhkəmənin qərarı ilə barələrində həbs qətimkan tədbiri seçilmişdir.

Hazırda iş üzrə təqsirli şəxslərin dairəsinin tam müəyyənləşdirilərək məsuliyyətə cəlb edilmələri istiqamətində zəruri istintaq-əməliyyat tədbirləri davam etdirilir.