Sayt üzrə axtarış

















Əsas səhifə / XƏBƏRLƏR

2012-12-07
Səhiyyə müəssisəsində maliyyə pozuntuları aşkar edilmişdir

19 saylı Birləşmiş Şəhər Xəstəxanasının vəzifəli şəxslərinin qanunsuz əməlləri barədə Baş prokuror yanında Korrupsiyaya qarşı mübarizə idarəsində aparılmış araşdırmalarla müəyyən edilmişdir ki, qeyd edilən xəstəxana cari ilin yanvar ayından əsaslı təmirə bağlanmasına baxmayaraq, faktiki olaraq fəaliyyət göstərməyən stasionar şöbələrin 6 işçisinə qanunsuz olaraq 1873 manat məbləğində büdcə vəsaiti ödənilmişdir.

Bundan başqa Nazirlər Kabinetinin müvafiq qərarı ilə təsdiq edilmiş "Müalicə-profilaktika müəssisələrində bir xəstə üçün orta sutkalıq ərzaq normaları"nda  müxtəlif adda qida məhsullarının verilməsi nəzərdə tutulmadığı halda həmin normaların tələblərinə əməl edilməyərək 6 min 632 manat dəyərində normadan artıq ərzaq məhsulları məxaric edilmişdir.

Fakta görə Cinayət Məcəlləsinin 308.1-ci (vəzifə səlahiyyətlərindən sui-istifadə) maddəsi ilə cinayət işi başlanmışdır.